Diaranzon atardi a drenta informe di un accidente basta fuerte na e cruzada panort di Huchada na Santa Cruz, mesora a dirigi patruya na e sitio. Na yegada di e patruya a bin compronde cu aki ta trata di un accidente cu hopi daño material causa pa falta di preferencia. Ta trata aki di un Hyundai Accent preto cu tabata bini for di pariba y a yega na e cruzada “T” y a bay subi caminda y no a mira e otro Hyundai Accent blanco cu tabata bini di zuid y nan a dal den otro. Aunke e impacto tabata fuerte y cu hopi daño toch afortunadamente ningun hende a resulta herida.
