![](https://www.awe24.com/wp-content/uploads/2020/07/C6E3A48B-9948-426C-AECB-457832B7BC8B-668x334.jpeg?v=1594635589)
Diadomingo anochi a drenta informe di un accidente na e cruzada Avenida Alo Tromp cu Emmastraat, mesora a dirigi un patruya na e sitio. Na yegada di e patruya a bin compronde cu un chauffeur burachi biniendo pariba for di Avenida Alo Tromp no a duna preferencia na un auto bayendo zuid den Emmastraat y a bay dal riba e auto. Afortunadamente ningun hende a resulta herida. Polis a atende cu e chauffeur burachi y a detene pa core auto bao influencia y ocasiona un accidente.