Fundacion Movemento ta Bida cu tristesa a tuma nota cu Eddy Ras a bai laga nos.

Pa hopi anja Eddy tabata juda FMTB den organisa e torneo di Jani Brokke Memorial .

E tabata pa nos un persona cu semper tabata cla pa organisa su parti di tennis unda e no mester a hanja judansa pasobra den su man tur cos tabata cana perfecto pa anjanan largo.

Tabata Eddy cu a puntra FMTB pa cambia e nomber di e torneo 60 plus pa Jani Brokke despues cu Jani a bai laga nos.

Ariba 16 di September 2017 FMTB a reconose Eddy meimei di tur deportista 60 plus pa tur su ayudo brinda na nos organisacion.

Nos kier a manda palabranan di condolencia y hopi forsa cu e perdida grandi aki na su senora, juinan, rumanan y famia.

Cu Eddy sosega na Paz.

Fundacion Movemento ta Bida

Harold de Miranda

Oranjestad 16 di augustus 2020

• 

• 

• 

•