Diabierna madruga a drenta informe di un accidente cu hende herida na rotonde Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un dama na stuur cu a spanta cu tin un auto ta siguie y den su desesperacion ela subi e rotonde dal un palo di lus benta abao. E dama tabata keha di dolor di cabes y na nek. Na yegada di e ambulans nan a atende e dama na e sitio mes.
