Nos ta lanta otro día cu hopi Fe y Speransa cu nos dia por ta uno bendiciona y exitoso.
Nos ta gradici nos bon Dios pe gracia aki y kier mustra cu nos Fe den Dios ta cada día mas grandi.
Nos ta den e último siman di luna 10, y ta prácticamente den fin di un otro anja atrobe.
Ta bisto cu e anja cu ta nos lo bai drenta lo ta pronostica di ta un anja cu hopi gastonan y debe na monton y pa colmo no tin placa y no tin caminda pa buska mas tampoco.
Nos gobernantenan semper ta bai Hulanda pa bolbe presta mas placa y despues nos ta keda rodia kibra.
Ta di hopi tempo caba mester a traha riba reserva, pero cada bez atrobe ta crea debe so.
Hopi placa ta wordo malgasta aña aden aña afo y no ta pensa pa futuro.
Un cos ta sigur cu nos mester cuminsa pensa riba un reserva pa ora un desaster dal nos pa nos por para riba nos pianan.
Wak cuanto cos a pasa rond mundo y e paisnan te awe ta trata na recupera di e desasternan inespera.
Nos mester gradici nos bon Dios y sigui pidi Señor pa proteha nos y nos hendenan.